Isa 38 | ZomZIV | STEP | Tua hun laitakin Hezekiah a ci na in a si dektak hi. Amoz tapa kamsangpa Isaiah a kiangah va pai-a, TOPA gen hih ahi hi: Na inn sung omzia ding vaihawm in, bang hang hiam cih leh nang na si ding hi; na dam kik zo nawn kei ding hi;” a va ci hi.

Isaiah 38

Hezekiah’ Cinatna

1 Tua hun laitakin Hezekiah a ci na in a si dektak hi. Amoz tapa kamsangpa Isaiah a kiangah va pai-a, TOPA gen hih ahi hi: Na inn sung omzia ding vaihawm in, bang hang hiam cih leh nang na si ding hi; na dam kik zo nawn kei ding hi;” a va ci hi. ^a

2 Hezekiah kawmlam nga-in TOPA tungah thu ngen a, 3 “TOPA aw, na mai-ah muanhuaitakin ka om a, ka lungsim neihzahin nangma tungah kong ki-ap hi; nangma muhna ah a hoih a ka gamtat lam hong phawk in,” a ci hi. Tuateh Hezekiah kahcih-takin a kap hi.

4 Tua ciangin Isaiah tungah TOPA thu tunga: 5 “Pai inla Hezekiah kiangah, ‘Hih in TOPA na pa David Pasian gen ahi hi: Na thungetna ka za khin a na khituite ka mu khin hi; na nuntakna kum sawm le nga kisotto hi. 6 Tuateh keimah in Assyria kumpipa khut panin nang le hih khuapi ka hukhia ding hi. Hih khuapi ka humbit ding hi. ^b

7 “‘TOPA in hong ciamsa hong tunsak nading TOPA lim hih ahi hi: 8 Ahaz kahlei tungah a liap suksa niliap kalsawm ka kilek kiksak ding hi,’ ci hi,” a ci hi. Tua ciangin a liapsuksa nitang kal sawm a kileh kik hi. ^c

9 Judah kumpipa Hezekiah in a natna a damkik khita a gelh:

10 “Ka thatun laitakin
sihna ^{▼▼38.10 Hebrew ah Sheol} kongpi-ah ka lut kul ta ding hi, ^e
ka kum omlai teng hong kisut ahi ta ve maw?” ka ci hi. ^f
11 “TOPA mu kik nawn lo ding,
a nungtate gamah TOPA mu lo ding; ^g
mihingte en kha nawn lo ding
ahikeh tu-a leitunga ^{▼▼38.11 Hebrew khutgelh tawmkha; Hebrew khutgelh khempeuh phial ah a tawpna mun ah} omte tawh teeng khawm nawn lo ding hi ta’ng ei!” ka ci hi.
12 Tuucingpa puanbuk bangin ⁱ
ka inn hong kikaihpuksakin hong kilakkhiatsak hi. ^j
Siam gante bangin ka nuntakna ka zialkhia a, ^k
amah in siambu panin kei hong atkhia a, ^l
sun le zanin ka nuntakna a beisak hi. ^m
13 Zingsang phalvak nisuah dong ka ngak keikai hangin
humpinelkai bangin ka guhte sutanin
sun le zanin hong beisak ding na hi hi. ⁿ
14 Phialphiah ahikeh zangva bangin ka hama,
kawl vakhu bangin ka thum hi. ^o
Vantungte ka etetna-in ka mitte a nguigawp hi. ^p
Ka lungkham hi; Topa aw, kei huh dingin hong pai in! ^q
15 Ahi hangin ken bang genthei ka hi hiam?
Amah in kei hong hopih a, amah in a sem pah hi. ^r
Hingim lua ka hi manin ka mailam hun khempeuh
kiniamkhiatin ka pai ding hi. ^s
16 Topa aw, hici bangin mihing a nungta hi;
ka kha zong tuate lakah a nungta hi.
Nang hong damsak inla
hong nungtasak in. ^t
17 Hici bang lungtawlna ka thuaka
kei adingin metna taktak ahi hi.
Kei hong itin
siatna khuk panin nong kem hi;
ka mawhnate khempeuh
na nungngatsan hi. ^u
18 Ahang in, hankhuk ^{▼▼38.18 Hebrew ah Sheol} in nang hong phat thei lo a; ^w
sihna in nang hong phatna sa thei lo hi; ^x
tua kuakhuk sunga paisukte in
na muanhuaina a lamen thei kei uh hi.
19 A nungtate, a nungtate - bek in
tuni-a kei hih bangin amaute in nang hong phat thei uh hi; ^y
pate in amau tate tungah
na muanhuaina a gen ding uh hi,
20 TOPA in kei hong hon dinga,
i nuntak laiteng
TOPA biakinnpi sungah
khausai tumtheihte in la i sa ding hi. ^z

21 Tua ciangin Isaiah in, “Theinai su inla meimatum nuh lecin a dam ding hi,” a ci hi.

22 Hezekiah in, “TOPA biakinnpi-a ka paitoh nading bang lim hi ding hiam?” ci-in a dong khin hi. ^aa